Jo en Marjo

inktpot

 
Leef luuj, op 7 mei a.s. kump ózze 6de gedichtebundel oet.
Veer hawte dan weer 'ne super sjieke middig mèt gratis vla, koffie en thee
en veer nuèdige natuurlijk limburgse artieste oet die zörge veur 
gedichte en zank. 
Dit alles gebäört in café-zaal de Notenbalk in Ulesjtraote van
14.00 tot 18.00 oer
 
TOT DAN
 
 effe veursjtèlle:

veer zin Jo en Marjo van Es-Jaspar en sjrieve allebei, eder veur zich,
al jaore gedichte in 't Limburgs dialec.

veer wone in 't gehuch Waterval, 'n buurtsjap bie Ulesjtraote, gemeinte Meersje. 
höbbe twiè volwasse dochtersj en óndertösje zin v'r opa en oma van 2 kleinzoons

in 2003 haet Jo 'ne bundel oetgegeve mèt d'n titel "Waterval van weurd".

same maakde v'r in 2005 de bundel "Same", in 2008 de bundel "Gewoon doon"
en in 2010 de bundel "Loslaote".
in 2013 kaom dao de bundel "Preuve" bie.

alle vief de beukskes woorte gepresenteerd op 'ne gezellige middig mèt leuke limburgse dichtersj, zengersj en muzikante. 

veer besjrieve eenvoudig, meistal rijmend, sóms ouch neet, in ganse gewoon weurd alledaagse en bizónder gebeurtenisse, de natuur, de luuj óm ós bie en dinger woa ederein waal 'ns euver naodink.

veer were dèk gevraog veur ós gedichte te kómme veurdrage en vinge 't erg leuk óm dat bv. bie vereiniginge, verzörgingshoezer, regionale radio en televisie te maoge doon.